藝人林子祥（阿Lam）與太太葉蒨文（Sally）孖住現身英皇電影《聖荷西謀殺案》首映，同聲表示已很久沒有入戲院睇戲，更揚言起碼有10年之久，故是晚特別前來支持導演潘源良。

葉蒨文望母康復出院
問到二人於疫情期間可有外出？Sally透露多數宅在家，亦有招呼朋友到家中聚會，較少出外用餐，但閒時也有打高以夫球及行山。對於媽媽因老人病一直留院，Sally指媽媽目前身體狀況不錯，寄望能快快出院返家團聚，而阿Lam亦表示其97歲的媽媽精神不俗：「我有成日返屋企探佢。（媽咪有冇扭計要出街？）又冇，佢好乖，反而叫我唔好出去。」

談到他與兒子林德信合作拍廣告歌，被網友指歌曲非常洗腦，阿Lam笑指此乃廣告客戶想要的效果，在旁的Sally亦笑說：「真係去邊度都聽到，喺屋企又聽，已經入晒腦。（咁你又想唔想『復出』唱歌同拍戲？）唱歌一直有人搵，其實有機會都可以試吓。」

繽FUN星網 | September 20, 2020