維港投資創辦人張培薇（Debbie）噚日現身其實係以私人名義捐1,000萬元支持慈善團體「惜食堂」，支助佢哋開設深水埗社區中心，讓一班長者可以喺周一至周五，一日免費享用兩餐膳食。

Debbie話，留意惜食堂好耐，今次捐款完全冇私心，希望可以支持惜食堂深水埗社區中心營運起碼10年。噚日係佢第二次去探訪，喺社區中心逗留兩個幾鐘，同佢好朋友藝人葉蒨文一齊做義工，落手落腳整碟頭飯畀啲公公婆婆享用。

Apple Daily | March 31, 2015

早排葉蒨文就出動兩個外傭，陪媽咪去中環中建大廈睇醫生。因為司機要將七人車泊埋置地文華出面上落客區，車未到位，葉蒨文已經提早跳車，走埋去同職員講，要求俾佢架車泊喺度，等媽咪睇完醫生，可以即刻上番車唔使等。

亦難怪莎莉咁緊張，事關莎莉媽不但要坐輪椅，仲因為氣促，出外都要聞住氧氣。家陣咁嘅環境，真係要睇得好緊㗎！

戴住氣喉嘅莎莉媽唔舒服，廿四孝葉蒨文

兩個外傭一個推輪椅，一個一袋二袋，離開中建大廈一出到街，葉蒨文即刻用張氈遮住媽咪雙腳，以免佢凍親。

司機未將七人車駛埋落客區，葉蒨文已經提早跳車，埋去同職員打定招呼，要求俾佢架車停响度等，方便坐住輪椅嘅莎莉媽，睇完醫生即刻上車。

葉蒨文從後扶住媽咪，幫佢企起身上車

鍾楚紅(紅姑)於agnès b.旗艦店舉行《To Hong Kong with Love》攝影展，獲得不少圈中好友支持，前往欣賞展覽，當中包括永遠「港姐」朱玲玲，三代歌后葉蒨文、鄭秀文和陳慧琳等，眾人對紅姑作品讚口不絕，並封她為最佳「影」后。

朱玲玲和葉蒨文結伴前往欣賞，朱玲玲自爆和紅姑同樣熱愛攝影，葉蒨文知道今次舉辦攝影展是為慈善，更自掏腰包購買紅姑的相集，而鄭秀文和陳慧琳，亦分別去了捧紅姑場，她們不約而同地讚美：「紅姑雖然係業餘攝影師，不過好有專業水準，對其中有啲作品特別有feel，紅姑稱得上係真正『影』后。」

Ming Pao | October 10, 2014

葉蒨文（莎莉）近年養尊處優，甚少出席公開活動，近期見到莎莉蹤影嘅只係得「演唱會之父」張耀榮的紅館紀念騷，或者喺老公林子祥新碟入面先有幸聽到佢開金口唱歌。不過CIB早幾日就見到佢喺跑馬地買餸，就算淡妝都好有星味。另外CIB亦撞到8月同B哥鍾鎮濤結婚嘅范姜，佢去買生果時就着短褲仔露腿，唔知你覺得邊個正啲呢？

當日莎莉以貴婦打扮，入去Super Market買調味料，見佢眼定定望實沙嗲醬，唔通返屋企同阿Lam打邊爐？買完醬料就揀菜同肉類，CIB留意到今日53歲生日嘅莎莉Keep得唔錯，而且化咗個淡妝輪廓仲好Sharp，雖然身形少少發福，都算係美魔女一名！佢畀完錢就由司機拎住戰利品上車，然後施施然行上坐駕，返屋企煮飯仔！

MetroHK 都市日報 | September 30, 2014

朱玲玲與葉蒨文（沙麗）素顏上陣，齊齊撇低另一半結伴到中環名店shopping，期間見她們在該處一間名店揀新裝，又不時互相給予意見，未幾又往睇手袋及銀包，奈何二人似乎揀唔啱心水，睇完一輪卻沒有幫襯，於是手揈揈轉身離開。

沙麗邊行邊戴回黑超，與朱玲玲到商場外等車，正當二人準備行出門口之際，突然見到記者拍照，即表現得十分愕然，繼而左閃右避，匆匆步入附近酒店內等候，沙麗更刻意躲在凹位避開記者鏡頭，而朱玲玲則負責睇水，兩人邊等邊傾偈，直至七人車駛至，即急急腳上車走人。

東網即時 | September 23, 2014