朱玲玲與葉蒨文（沙麗）素顏上陣，齊齊撇低另一半結伴到中環名店shopping，期間見她們在該處一間名店揀新裝，又不時互相給予意見，未幾又往睇手袋及銀包，奈何二人似乎揀唔啱心水，睇完一輪卻沒有幫襯，於是手揈揈轉身離開。

沙麗邊行邊戴回黑超，與朱玲玲到商場外等車，正當二人準備行出門口之際，突然見到記者拍照，即表現得十分愕然，繼而左閃右避，匆匆步入附近酒店內等候，沙麗更刻意躲在凹位避開記者鏡頭，而朱玲玲則負責睇水，兩人邊等邊傾偈，直至七人車駛至，即急急腳上車走人。

東網即時 | September 23, 2014