葉蒨文同媽媽今日都現身置地，原來佢陪母親喺中建大廈睇醫生。葉蒨文戴上黑超，扶實媽咪，相當孝順，而葉媽媽件外套掠起膊頭，葉蒨文就索性幫阿媽拎住，此時葉媽媽就繑返實女兒.
中環陪覆診 葉蒨文落雨傍實病母好孝順
林子祥出年年頭開40周年紀念演唱會，「沙麗」葉蒨文早前話過甘願留喺後台做「咕哩」，唔止對伴侶好，沙麗仲好有孝心。
今日（7月29日）下晝3點半左右，陪完阿媽去中環中建大廈覆診嘅沙麗，一見《壹》仔就笑笑口呃水吹，八八卦卦咁問《壹》仔「邊個喺入面（中建大廈）？邊個喺度？」心情甚靚。
天雨路滑，踩住斗零踭嘅沙麗冇有怕，反而同兩個外傭一齊傍實阿媽，左右護法咁款。行到架車附近，佢又落手落腳扶阿媽上車，其他工人喺側邊幫佢手。雖然伯母年紀大有老人病，但有沙麗呢個孝順女日陪夜陪，伯母實好快康復！
Next Plus | July 29, 2015
葉蒨文親自照顧年邁母親
圈中孝順女葉蒨文，近年不時被拍到陪同年邁的媽媽看醫生，昨日下午三時許葉蒨文於兩名傭人陪同下帶媽媽到中環，一行人於診所林立的大廈步出，坐在輪椅上的葉媽媽精神相當不錯，看見記者拍照即露出微笑，兩母女齊齊以微笑向記者打招呼，及至司機將七人車駛至，葉蒨文即緊張地上前扶實媽媽上車，照顧媽媽不假手於他人。
東網即時 | July 29, 2015
葉蒨文出題考粉絲！
歌手葉蒨文（Sally）在微博上載捧着一個大碗的照片，與網民大玩互動，寫道：「這不是湯，可以加奶和糖喔！」不過，一眾粉絲似乎無乜頭緒，仲紛紛留言叫佢開估，Sally其後亦放相揭曉答案：「 想像不到吧! 這其實是…卡布奇諾！！！ 被裝扮成一碗湯的樣子！ 還配上甜甜的方糖塊！」
東網即時 | July 27, 2015
鬼妹仔葉蒨文：你作俾我嘅歌，我大部份都唔知講乜
葉蒨文出場時，潘源良就喺佢個座位，向之做咗一個致敬動作。葉蒨文大讚現場觀眾反應好好，又笑謂:「我從未試過做一個騷，緊張到歌詞都記唔到。我好耐冇唱歌，又要著高踭鞋，好辛苦，行到成隻屐咁。你寫咁多歌，都係關於女性心底話，其實你份人感情咁豐富，唔知點解你寫到馬經，仲喺電視講馬。你個人真係多姿多采。」
葉蒨文出道嗰陣係「鬼妹仔」，中文麻麻，難怪佢噚晚都有講:「你作俾我嘅歌，我大部份都唔知佢講乜，唔明白點解唱到中段嗰陣，就開始唱到唞唔到氣喇。」意思似是指因為潘源良的歌詞到中段變得密集，令呢個當年嘅鬼妹仔都感難以應付。
之後葉蒨文再打趣謂:「跟住仲要邊行邊唱，真係mission impossible！但係多謝你，送咗咁多好歌俾我，雖然我唔明白當中有啲意思，但係我感受到你嘅感情。你係個天才，好靚仔，世上真係好難搵到你咁好嘅男仔。」
唱唱下，葉蒨文話緊張得滯，嗌口乾，問潘源良借佢飲開嗰支茶嚟飲。二人再抱抱。
第二節run down
10.葉蒨文《談情說愛》
11.葉蒨文《女人的弱點》
12.葉蒨文《情人知己》
Apple Daily | June 20, 2015