葉蒨文昨晚在澳門威尼斯人舉行演唱會，套套歌衫都低胸晒事業線，又幾乎跳足半場演唱會，絕無欺場。她在台上笑言：「我搵咗好耐先搵到張$300既賭枱玩black jack，點知一坐低就輸咗$1500！我今晚要再去賭，如果你哋可以旺吓我就好開心喇！」

完騷後，她表示未知好友朱玲玲孫兒何時出世：「我同佢（朱玲玲）講，話好多人問生咗未，佢話佢都唔知阿。你哋（記者）仲心急過佢，佢點匿埋個BB啫，又唔係Tom cruise幾個月都唔出現，唔使擔心，佢一定會同大家分享開心事。」

on.cc 東方互動 | August 24, 2013