葉蒨文（莎莉）本月中出席霍啟剛和郭晶晶的世紀婚禮時，曾表示太忙而無暇準備禮物，言猶在耳，早前她卻到中環掃貨，仲男女都，之後又相約老公林子祥（阿Lam）與友人晚飯直落，節目相當豐富。採訪：張詠森、畢紹基

當日莎莉相約女友人到Zara看冬裝；略施脂粉的莎莉，箍起頭髮十分醒神。入到店內，她的戰鬥格即刻出晒，更與朋友各有各睇。她先從上身衫入手，只見她左望右望，看得眼花繚亂，然後再選購裙、大褸和手袋。每見到合適的，她都拿上手研究一番，集齊所有合心水貨品後，她便去試身室試。睇完自己，她連男裝都唔放過，一定是幫阿Lam入貨。

掃完貨後，葉蒨文會合林子祥到意大利餐廳食飯

花了約一個鐘頭，她共掃了十幾件貨，埋單盛惠8千蚊。但得她一個人，兩大袋戰利品難以拎走，幸好該店服務周到，並派人幫她先行拿上車。打點一切後，莎莉即會合阿Lam，原來二人約了朋友在意大利餐廳食晚飯。只見莎莉離遠見到對方，已笑到見牙唔見眼，相信是很久沒有見的朋友，當晚又有排傾，不怪得「衫褲」要先行打道回府啦！

HH Headline 頭條日報 | November 23, 2012