新浪娛樂訊 林青霞28歲繼女邢嘉倩，16日在跑馬地養和醫院為銀行業外籍男友Lloy誕下混血B，成為未婚媽媽，吸引大批傳媒在醫院外守候。17日下午媒體在醫院巧遇葉蒨文，她表示來醫院探望母親。

TUNGSTAR | July 17, 2016

《林子祥越唱越響40年演唱會》昨晚（16日）移師澳門，林子祥（阿Lam）一如既往為歌迷帶來精采演出，而今次嘉賓除了囝囝林德信，更有老婆葉蒨文（沙麗）。沙麗在台上爆今日（17日）是二人結婚20周年，笑言忘記紀念日的阿Lam「返到屋企就大鑊」，場面搞笑。

阿Lam在演唱會上連唱《Que Sera Sera》、《Mona Lisa》、《最愛是誰》及《Wonderful Wonderful》等多首經典金曲，簡直首首都是大合唱，就在一家3口準備合唱《Lemon Tree》時，沙麗突然拿出貓紙，大數阿Lam多宗「罪狀」；除了忘記紀念日、鍾意買車、買錶，平時更極之寡言，阿Lam笑言：「就喺咁先一齊到咁耐。」沙麗表面問責，實情是曬恩愛，令現場歌迷非常驚喜。

HK01.com | July 17, 2016

林子祥邀來愛妻葉蒨文擔任特別嘉賓，葉蒨文在他演唱了《Made My Day》的一小段之后現身，為大家獻唱《Lemon Tree》。

最后當然少不了兩人經典老情歌《選擇》。

葉蒨文的聲音嘹亮有力，兩人合唱時配合得天衣無縫，四目交投時非常有愛。

合唱完畢，林子祥自問自答開玩：“知道我為什麼邀請她當嘉賓嗎？因為…是free的！”

葉蒨文聽聞假裝生氣，跟著也不敢示弱，稱結婚多年很少見面，所以才可以維持那麼久。

兩人台上打情罵俏，葉倩文跟著指出，本月17日是結婚20周年。

她讓助手拿了2面長的白紙，說為了紀念特別的那一天，決定備稿來曝光林子祥的怪癖！

Toggle | July 7, 2016

歌手葉蒨文（Sally）日前現身有線節目《星級會客室》，出名孝順的Sally談到前年父親離世，對她造成很大打擊：「我陪咗佢3、4年，但都係照顧得唔夠，佢走嗰一刻，我諗到以後都見唔到佢，我唔知點捱落去，依家我仍然無時無刻都好掛住佢。」現時Sally全心全力照顧病母，甚至不惜放棄工作：「有人問我點解咁耐都唔開演唱會，除咗因為我凡事要親力親為，部分原因仲係我要照顧媽媽，暫時未有時間去諗咁多嘢。」

自稱是「討厭媽媽」

身為父母，Sally自言並不是好媽媽，故無後悔沒有生小朋友：「我管教好嚴厲，就算係繼母身份，我對Alex（林德信）一樣好嚴，我迫佢喺外國讀書要自己賺錢。」雖然Sally自稱是一個討厭的媽媽，Alex卻曾公開表示Sally是一個好母親，她表示：「其實我好鍚佢哋，我從來唔會當自己係佢哋親生媽媽，我好清楚我係繼母，但我一樣會教好佢哋，如果係我，我都會想前夫嘅太太對自己啲仔囡好。」

嗌交嗌到離婚

與林子祥結婚20年，Sally坦言兩人性格南轅北轍：「佢好似女人，做咩都好滋油，喺屋企講嘢細聲到聽唔到，我就好男仔頭。佢5點就起身，嘈到我瞓唔到，一係就嗌交嗌到離婚，一係就搵個解決方法，我哋揀咗分房瞓解決。」

東網即時 | June 18, 2016

金像大導演徐克，86年執導的《刀馬旦》，撮合咗當代三位大美人林青霞、鍾楚紅和葉蒨文聯手演出。電影叫好叫座，事隔30年，昔日女神變身美魔女人妻，風采依然！去年已「登六」的大美人林青霞，日前買花點綴家居，以一套黑衫harem Pants配波鞋，衣着young夾潮。而笑容充滿親和力的紅姑鍾楚紅，日前單拖少女式托頭揀cake，甜入人心。而多年來瘋打羽毛球的Sally葉蒨文，keep得一副鋼條身材，高妹全無贅肉，皮膚滑漏！三女神保養得宜，激鬥青春！

採訪 : 張詠森、李維隆

葉蒨文 鋼條型妻
日前，羽毛球嬌娃葉蒨文偕友睇衫。當日素顏人妻先在高級中式服裝品牌Blanc de Chine睇男裝，Sally揭完一輪，就拎手機影低心頭好。高挑人妻以格仔恤衫配直腳牛仔褲加高跟鞋，再加頂帽點綴，好有型格。未幾她發現記者，即戴番副墨鏡轉場睇袋。問她是否揀畀老公林子祥？人妻友善說：「唔係，有朋友生日，三個夾份送(衫)」之後去佢至愛的孖C睇手袋，最後購下一個$27200的淺啡色手袋。

頭條日報 Headline Daily | June 07, 2016