電影《死開啲喇》今晚喺觀塘一戲院進行首映，監製林家棟，黃柏高，演員林德信(Alex)，J.Arie，張繼聰等都有到場。林德信爸爸林子祥同葉蒨文(沙麗)差不多成10點先見人，不過都係快快手影咗合照就入場。

首次擔正做主角嘅林德信，問佢緊唔緊張，佢話:「有啲，自己都唔知好唔好睇，今晚所有演員有機會一齊睇。」爹哋睇完問下意見?Alex話:「相信佢睇完之後都返去瞓，之前拍嗰部《青春鬥》都有問過佢，佢都話做得幾好。」

Alex坦言第一次擔正有啲壓力，有冇叫爹哋林子祥唔好咁早起身，一陣睇到瞓咗，Alex話:「佢應該下午有休息，都會叫佢買飛睇多次。」想唔想一齊演戲?佢話:「好期待，咩劇本都好，好想爭取呢個機會。」咩類型?佢話冇所謂:「最想一齊經歷拍戲，唱歌同廣告都試過。」

點解冇請女友松岡李那?Alex話:「自己都想請，但今晚一個朋友都請唔到，太多人。」會可惜?佢話:「唔會嘅，因為今晚for演員同投資者。」現場林德信又同J.Arie一齊唱歌，戲內演殭屍嘅佢，又同其他演員玩遊戲，鬥快扮飲血。

娛樂蘋台 | October 5, 2015