歌手林子祥（阿Lam）假紅館舉行一連四場演唱會的第二場，獲杜麗莎、蔡一智、黃佩霞、張艾嘉夫婦、朱玲玲、呂志和、鄧鉅明、岑建勳和劉天蘭等到場支持。甫開場阿Lam就走向第一行攬住媽媽唱歌，不少歌迷走過去「攝鏡」自拍，令阿Lam都忍不住笑歌迷搶了媽咪鏡。

同側田互笠高帽
唱到英文歌《Make my day》時，阿Lam的太太葉蒨文（沙麗）以一身短裙配魚網絲襪於陽台出現獻唱一段，唱畢後阿Lam笑言：「啱啱邊個嚟㗎？突然出現嘅，着到條裙咁鬼短，依度穿晒崩喇！」隨後，嘉賓側田亦現身與阿Lam合唱了《這一個夜》，當中側田失準甩嘴，兩人唱完後更互笠高帽，大讚同對方合唱好過癮。

愛儲錶但從不戴錶
講到美國組合Peter, Paul and Mary時，林家一家三口沙麗和仔仔林德信（Alex）齊齊出現合唱，沙麗笑言今次演唱會應該叫做「阿林日記」。而沙麗與第一晚一樣拿出貓紙大爆阿Lam的怪癖，笑言對方在家中好靜，有時出去都冇人知，不過每到食飯時間就會回來。除了再爆阿Lam愛儲車但鍾意坐小巴外，沙麗更爆料老公其實最愛儲錶，不過從來不帶錶，經常問人現在幾點：「但佢好準時，因為媽咪教得好，約佢七點半就七點鐘到，搞到人哋好緊張，鞋都未着就出門口，但都令我變成一個好準時嘅人。」講到阿Lam喜歡在救世軍買衫時，阿Lam更自爆現在身上所穿的白色衫亦是在救世軍買。而兩人合唱《選擇》時更相擁和錫面，認真恩愛！

而今場阿Lam亦繼續悼念已故好友黃霑、林振強、張耀榮等。唱到《敢愛敢做》時，Alex再次出現代爸爸送公仔。而演唱會尾段時，阿Lam再次寄詞香港，並落淚唱出《愛心之歌》。

on.cc東網專訊 | January 31, 2016