阿 Lam林子祥同莎莉葉蒨文各有各生活多時，鮮有孖咇外出，關係撲朔迷離。咪以為莎莉近年深居簡出，淨係顧住同閨密朱玲玲打羽毛球打發時間，實情年過半百依然好有 market，登台走埠長做長有，尤其係聖誕、農曆年檔期，美國大西洋城一定走唔甩！

啱啱承認接咗內地歌唱節目《我想和你唱》第二季做幾集嘉賓的莎莉，幾忙都好，照顧年老媽子嘅重任都甚少假手於人。近一、兩年，葉媽媽行動不便，不時進出醫院，呢晚晚飯過後，莎莉在外傭姐姐拎住大包細包的陪同下，推住葉媽媽前往養和睇急症，好多時老人家睇急症，醫生為安全起見總會要求留院一、兩日觀察，莎莉早有準備，明顯身經百戰，希望葉媽媽早日康復出院！

壹周刊 | April 6, 2017