近日內地另一個歌唱節目《我想和你唱》第二季亦籌備得如火如荼，將緊接《歌手》播出。繼《我》嘅官方微博宣布校長譚詠麟（阿倫）加盟後，新加坡天后孫燕姿亦處女加盟呢個內地綜藝節目，會同素人喺節目合唱自己經典歌曲。除咗阿倫同孫燕姿外，內地有網友爆料話，另一天后級女歌手葉蒨文（沙麗）、迪瑪希、鄭鈞等亦會加盟呢個節目，相信沙麗今次復出舞台會引起唔少話題。

一集起兩集止

東網致電沙麗，對於加盟《我》，她說：「其實我只係做嘉賓，一集起兩集止，詳情要問經理人！」其經理人之後以短訊回覆：「沙麗還忙着每天照顧媽媽，但我們還在洽談中，主要是時間問題，其實有很多節目也聯絡過，但都是看時間許不許可，歌酬還未談到呢！」

即時新聞 | March 15, 2017