近年養專處休的葉蒨文（Sally）甚少公開露面，昨晚在好友陳恩碩邀請下，於八號風球懸掛時到陳家作客，接受網上節目「#StayHome日記」訪問。懂得享受人生的Sally自備紅酒、紅酒杯及爆谷，邊嘆紅酒邊傾偈，盡現率直無所不談個性。疫情下，世界各地Fans都掛着Sally，紛紛上網留言及打招呼。

跟林子祥（阿Lam）結婚24年，夫妻兩人傾是一動一靜，平日夫妻相處之道又怎樣，Sally指工作方面跟阿Lam沒有拗撬，她笑說：「好難同佢拗，佢都唔多出聲，最多都只係嬲，一係就發脾氣，不過其實佢都冇乜脾氣，好多嘢佢都會同意，如果佢唔同意就會堅持自己諗法，所以都冇得拗。」Sally愛打羽毛球及高爾夫球，現時無法外出打波，Sally便選擇留在家看書、煲劇。近日又愛上行山接近大自然，她大讚香港有不少美麗景色，當網民表示想跟她一起行山，Sally爽快答應，表示下次行山時會在網上公開時間地點讓大家集合。

疫情下，Sally覺得大家更需要正能量，所以親自籌辦了一個平台叫「ThinkACTPOSITVE」，希望令更多人感受到愛，平台仍是初步階段，稍後會計劃活動。在直播接近尾聲，有一位網民留言表示是Sally於16歲時的同學，令Sally非常驚喜，不繼叫對方到自己社交平台留下聯絡，Sally更憶起舊同學讀書時的長髮樣子。重遇舊同學，Sally又到網上公開呼籲想找回一位小學時的外藉男同學David，對方並非自己初戀，而是心目中的英雄，因為當時被人取笑時，對方會出來保護自己。

https://www.facebook.com/ThinkACTPOSITVE/

AppleDaily | August 19, 2020